Մեթեորիզմի դեպքում օգտակար 3 մթերք. news.am

Մեթեորիզմը՝ գազերի կուտակումը աղեստամոքսային համակարգում, ֆիզիկական եւ հոգեբանական դիսկոմֆորտ կարող է պատճառել: Որոշ մթերքներ կարող են վատթարացնել մեթեորիզմի ախտանշանները, սակայն կան այնպիսի մթերքներ, որոնք կարող են թեթեւացնել դրանք:

Ստորեւ ներկայացնում ենք մեթեորիզմի դեպքում օգտակար մի քանի մթերք.

1. Կիտրոնով ջուր

Մեթեորիզմով տառապող շատ մարդիկ առհասարակ ջուր չեն խմում կամ շատ քիչ են խմում՝ չնայած նրան, որ իրականում դա պետք է անեն, քանի որ, ինչքան շատ է ջուրն օրգանիզմում, այդքան հեշտ է խուսափել ջրազրկումից: Մեթեորիզմի դեպքում օրգանիզմը փորձում է դուրս մղել հեղուկը, այլ ոչ թե պահել այն: Քանի որ ջրի մեջ ավելացված կիտրոնն ազդում է որպես մեղմ լուծողական, կիտրոնով ջուր խմելը կարող է վերականգնել աղի պարունակության մակարդակն օրգանիզմում եւ մեղմել մեթեորիզմի նշանները: Սակայն կիտրոնի ջուր պետք է խմել ձողիկով՝ օդի ավելորդ քանակություն կուլ չտալու համար:

2. Ձմերուկ ու դդում

Դդումն ու ձմերուկն օգտակար են առողջության համար, եւ կարող են օգնել մեթեորիզմի դեպքում: Ձմերուկը երկրագնդի ամենահյութալի մթերքներից է, քանի որ 92 տոկոսով բաղկացած է ջրից: Այն հայտնի է նաեւ որպես բնական միզամուղ միջոց եւ կալիումի լավ աղբյուր, ինչը կարեւոր է աղիներում գազերի քանակը վերահսկելու համար:

3. Յոգուրտներ

Մեթեորիզմի դեպքում ցանկալի չէ կաթ օգտագործել, իսկ ահա յոգուրտը կարող է շատ օգտակար լինել: Պետք է, սակայն, օգտագործել այն յոգուրտները, որոնք պարունակում են կենդանի բակտերիաներ: Պրոբիոտիկները կարող են օգնել մեղմել մեթեորիզմի ախտանշանները եւ բարելավել մարսողությունը:

Հարցեր, պատասխաններ, մեկնաբանություններ